MG Delta Plus 德爾塔普拉斯

未正式發售Zeta Gundam 時,就先開返盒「後繼」機出嚟熱身先。作為Zeta 嘅後繼量產機,Delta Plus 無論喺外定變型風格都滿滿Zeta影子,再混合百式,可謂Z 計劃嘅最終產物,砌 Ka Zeta 出現前,嚟溫習一下Z系列嘅變結構,真係唔錯。
百式本是Z計畫嘅先鋒,當然有一定嘅「重基因」喺後繼機嘅出現。Delta Plus 就係成功嘅「真。百式」產物嘅量產機。以高達向嘅話,會係Delta Gundam。盾係參考Zeta Gundam 嘅圓潤版,正確啲講應該係Z Plus 嘅版本。顏色亦係C1 版嘅設定,所以水貼直接用咗Z plus C1 嘅內容,比起原先Delta plus 嘅內容更豐富。
論可動性,算係上乘,外觀上比Zeta Gundam 2.0 更紥實,站姿更自然,百式2.0亦係以哩個藍本去推出新產品(相信),不過唔係完全兼用,所以百式有住相當大嘅尊重。而Delta plus 亦相當睇重嘅產品,比起同輩份嘅Zeta Gundam 2.0 出色太多(係2.0太多問題…),起碼企得直,變型流暢,身型夠薄。
骨架好豐富,又有油壓管又有連動,又完成到變型結構,其實當時非常希望Z Plus Zeta 等等嘅機體會兼用哩款骨架去做新嘅模型出嚟,可惜,Bandai 無咁做,而Delta plus 亦係唯一一款無兼用嘅MG產品嘅Z系列機體,Delta Gundam, Delta Kai 等嘅機體幾時先會推出呢?
新出嘅MG Zeta Gundam Ver. Ka 亦唔夠Delta Plus 咁薄。而外形亦一啲都唔輸蝕,變形機體嚟講,非常推薦嘅一款。
