動畫一早已明示風靈高達捱唔住，將會有後繼機出現，用咗個飛行背包，變成GP01 ，叫做加強下型態打埋最後一場後，風靈高達回收升級做「風靈高達 修復型」。本人就唔喜好哩種修修補補型嘅機體做主角機，仲要個名大大個「修復型」，更加HEA住做咁。明白背後有一重意義，風靈高達就係姐姐，但最後又出部異靈高達，可以騎劫晒所有數據風暴嘅設定，咁…作為中期魔王機，可以出部新嗎？
Anime was

雖說係修改型實際上都全部改晒咁滯，裏裏外外都幾乎都改勻一遍。外型由原本嘅圓潤女性外表，轉為稜角分明嘅剛陽味；原來幼長嘅美腿，轉為筋力滿嘅肉腿；除以上外，細節位亦有大量改動，與其說係「風靈高達 修復型」，不如說係係「風靈高達二型」 更貼切。
Rebuild not really “rebuild”,

講真，真係需要用支架，唔係嘅話，點睇對腳嘅比例都出事，好似整體都短咗又肥咗，而且哩種「宇宙型」嘅機體，都入用支架再擺浮空架式會更有發揮。Gund-bit 係可以分體展示，但連官方展示圖都係用MG Size 支架再用一堆細支架「堆砌」，欠缺一種完整性，幸好某國有推出「寂靜零號」為藍本嘅支架，亦可以將Gund-Bit 還原動畫中圍住自身嘅場景。更可以轉90度，轉向前衝嘅擺放，明向Bandai 宣戰。Gundam Age FX 果款支架樣式唔可以附上嗎？
Base Stand is a must for Gundam Aerial Rebuild.

開初，仲以「黑科技」嘅「反貼貼紙」作為本作賣點，第一彈嘅魔靈高達同第三彈風靈外，其它「高達」機體，一係用唔上，一係就直接放棄用返普通「正貼貼紙」，到主角機嘅續作，一樣無用到「黑科技」，只用上「正貼貼紙」，汲取咗風靈嘅經驗，今次Gund-bit 嘅盾分色一樣需要，補色貼紙仍然係「貼面無貼底」，加上支架嘅誠意，果然主角機，除第一輪之外都無誠意。
Day 1, The Witch From Mercury HG series is

頭先都有提到，多少細節都有改動，骨架內部更甚，反而更貼近魔靈高達，睇嚟係改返轉頭嘅設定，猜想有無乜嘢特別含意，最後故事亦無提及到。
As I Pointed out before,

剛好趕到水貼推出刻痕8效果嘅水貼，即時為佢貼上改造一下。帶閃卡特效嘅碎片鐳射效果。
Decal