HG WFM XVX-016 Gundam Aerial + HGTWFM Mirasoul Flight Unit 風靈高達 + 米拉蘇爾製 飛行單元

作為本故事第一主角機，居然喺模型編上唔係第一，而係003…03先啱，打從一開始就無預會出過100部機體，算係有自知之明嗎？
Gundam Aerial is the main MS in WFM(Witch From Mercury),

每款有關機械人嘅故事，都有一個公式，去到中段一定就有力量或能力上嘅提升，高達故事更加由《Seed》系列開始，應用喺背包之上。然而，水星之魔女亦有哩種形嘅「承襲」。而風靈高達嘅背包並無任何特別嘅設定，所以哩種換背包，只係算加裝，而非換裝，以無敵嘅主角嚟講，算係為出模型而添加嘅強加設定。唔知係本體風靈高達都啤唔切嘅原因，哩款「米拉蘇爾製 飛行單元」只係外掛形式另售，相信好多人同我一樣，唔介意完整咁出一盒模形，因為推出背包當時，風靈高達仍到處缺貨。
Every Robot story has a formula,

老實講，背包配色同風靈本體非常違和，同本體無一隻色係相同，亦無細節上嘅連系，雖則故事係講個學生妹土炮咁用廢料整出嚟。咁都夾硬嚟到咁樣生產到，相信無人介意會整得好靚。都明白HG係有局限嘅，不過賣點嘅GUND-BIT 盾牌，可以唔用貼紙，直接分件嗎？根本做到，亦難度高到會增加成本嘅技術嚟，帕梅特刻痕哩種特色都用兩種手法(印製預件同反貼貼紙)都提供嘅話，真係唔為咗係要「展示HG級技術」而「自奄」。如果唔係果兩塊GUND-BIT，哩款風靈嘅模型真係完全勝任主角機之地位。
In fact, the back pack is not very match with Gundam Aerial,

之前喺魔靈高達都提過，骨架都無任何兼用，外甲更加用返普通半光效果，可以簡單滲線同抹清。整體上，看似一樣，但完全有別。而高子方面，魔靈高達比較上係高一啲啲，玩上手，更覺得魔靈高達整體較為結實同無咁鬆，媽媽機係勝於女女機，但風靈係由魔靈改造出嚟㗎…如果唔睇故事，淨玩模型，真係會覺得魔靈高達先係主角機。
As a wrote in Gundam Lfrith,

非常欣賞兩部機係同系，但「看似一樣，實際不同」嘅模型。係有用心機嘅設計，兩部都係我比較喜歡，無雪鐵龍嘅面相，相比之下，更喜歡魔靈高達果種小白臉，無傳統V型天線亦係一種特色。白白嘅大盾，帶有一種神秘嘅隱藏力量。而風靈嘅盾就乎合當今多變玩法嘅變化，只係分件上爭啲啲…可以再畀少少主角光環落去出模型嗎？
I really appreciate that the two machines are of the same series,

兩部機真係「看似一樣，實際不同」另一表現係，GUND-BIT 係唔通用㗎，只可以整組換上，即係換盾，而且係要連連接件一齊換，背包同武器(簡單)，國際慣例都通用嘅。
Another point shown that “Look same but Differnece”