PS Digimon World 數碼暴龍世界 攻略 Part 1 開始之街
Playstation 1 Digimon World [RPG+SLG ｜ 1P(2P VS Mode)]
PS One 數碼暴龍世界 [角色扮演+育成 ｜一人角色操作(對戰模式可二人對戰)]
經典神作
久唔久就會回想返當年第一個親手寫嘅遊戲攻略文章，都會開返個post 睇返，當年2007(依家係2023已經16年)，比我個大仔仲大年紀。不時都會見到人會談論哩個神作，都會想加入討論一下。既然小熊都已經有一個個人網站，當然將哩個「親生仔接返嚟」自己屋企啦！(其實有少少驚訝嘅係，居然有好多唔同平台嘅人都COPY咗我個攻略，雖然我放得上網上平台，要copy 我都阻唔到，不過都畀返個Creadit 我丫…)
當年玩時有一樣嘢好感奇怪，磚機有5代，而遊戲只係涵蓋1-4代，只有第五代嘅機體無份登場，但奇就奇在，喺第五代磚機推出後，進入可以chok 嘅超龍機時代，而部份Digimon 係有登場，更甚者係部份Digimon 更係為哩隻game 而原創出嚟(及後都喺唔同時代都推出)，而小熊當年第一部磚機就係第五代，仲係夜光版，而且係一位同學送畀我，非常有紀念性，一路玩都唔見第五代嘅Digimon 確係有啲失望，幸好喺玩具城入面見到個建築物外形巨龍獸EX，算係搵到一點點安慰。
首先係開始前講一個秘技畀大家知先
(哩個秘只適合日版用，美版玩家Sorry 啦!)
仲有，因為我係玩日版關係，所有名都會跟返日版，之係我會再自己譯返做中文
有唔明可以問題我
喺一開始，改完主角同隻Digimon嘅名後，喺黑色畫面出現「開始之街」後(記住係見到之後)，即刻撳住三角
直至到見到畫面出現你打開Menu 畫面先好放手
太過早撳△會失敗，上圖就係兩個情況，左邊有一班幼年期嘅Digimon 圍住先係成功；右邊係失敗咗嘅畫面，見到咁可以即時重新開game 再嚟過。
之後餵隻野食一個叫做自動駕駛員(一個黑色人仔)
***記住，揀完哩個自動駕駛員就要立即撳實△，否則佢拒絕食嘅話，就會強制中斷哩個秘技***
如果佢拒絕食嘅話，就揀鬧佢果個教育指令
***記住鬧佢之後要立即撳實△***
直到隻Digimon 肯食，個畫面轉咗喺同版圖嘅下面小小位置就ok
***記唔好行去右上角爺爺獸度，唔係就前盡廢***
然後帶隻Digimon 行去左邊版圖嘅訓練場度，練返咁上下
大約：
HP/MP＞500
攻＞100
守＞40時就可以
餓可以食長寿魚或者生菜
第一時間將第一隻Digimon 亞古獸打贏，等佢返去街都開倉庫，就可以將用秘技得到嘅道具放晒入去
咁就可以安心展開你進入哩個數碼世界嘅奇幻之旅
個故事一開始爺爺獸會講一大輪野(如果用秘技唔會有)
然後會入去爺爺獸之家
同晒佢地全部幼年期嘅Digimon 傾偈
得到數碼世界入面一啲初步嘅資訊
然後爺爺獸會畀一d 基本物品過你
然後可以去訓練下(如果用咗秘技就應該再訓練多一陣，方便一路上嘅挑戰)
跟手就可以正式出村
而故事就係圍繞住爺爺獸村落嘅「開始之街」，一步步召回失常嘅「正版」Digimon 回街發展，令「開始之街」越嚟越繁榮，而數碼世界嘅檔案島就可以回復正常。
