PS Digimon World 數碼暴龍世界 攻略 Part 3 開放世界就係咁自由自在

Part 3

經過上次鑽地獸洞穴內，火焰獸事件後，新嘅野外之地亦順利打通…

10) 比丘獸
經過由火焰獸打道嘅山道，會去到「基亞草原」。係草原海邊會見到比丘獸，今次無需要戰鬥，只係要你喺地圖４角位置捉住佢。當你嘗試時，發現你一個捉唔到佢，所以你同你隻數碼暴講商量咗一陣，你會派你隻數碼暴龍去一個位置等，夾擊比丘獸。經過多次嘗試，比丘獸將會落網，傾談之後，佢會加入，返去開始之街度幫手經營商店。

Check Point 2 – 野外商店
係遇到比丘獸左上方版圖，你會見到有個野外商店，喺果度可以買到巨大肉，而最最最緊要係有得買卡，哩個係遊戲一個比較重點而有趣嘅小系統！(有錢最好買多Ｄ，絕對有用)

11) 艾力獸
係遇到比丘獸向上行版圖，工業之城門口會見到艾力獸。今次同樣唔駛戰鬥，但要測試下你實力，畀佢電三次，***電咗係會扣HP，記得要補返。之後佢會承認你嘅實力，加入返去開始之街，提供街中嘅電力，夜晚為街提供電力，開始之街入夜後終於唔駛黑麻麻。

13)巴達獸
係遇到艾力獸右邊版圖，會見到巴達獸，今次逃不過戰鬥，二話說，就打起上嚟。打贏佢一次之後，佢居然唔認輸，要再打一之，贏咗之後，又再撒賴，又要再戰，官人我再要…雖然要連續打三次，但作為已經成為成熟期嘅數碼暴龍(照時間進度)，對付一隻成長期，應該輕鬆無難度。連續打贏佢三次之後，暴龍哥巴達獸終於肯認輸，加入返去開始之街幫手經營商店


14)  獅子獸Part1
喺遇到巴達獸嘅下面版圖，你會見到一隻巴達獸俾野人獸洽緊，當你正義感滿滿要上前幫手之祭，正義化身嘅獅子獸會突然出現，幫果隻巴達獸擊退野人獸。見到正義嘅朋友一定跟上去，會見到哩個版圖有一個野外訓練場。當然要𨘋請獅子獸加入，但佢會回答依家參透緊一嘢野暫時唔會加入。

15) 大便獸
艾力獸事件之後，步入工業之城前，喺旁邊有座大便山。行入去會見到有支魚杆，當然執起佢啦，係一個重要道具之一。之後再同晒所有大便獸講野…臭臭呢，再同最內版圖嘅大便皇講野…咁大便獸就會加入，返去開始之街企係個廁所門口……一個充滿味道嘅經歷。

16) 暴龍獸
係哩個時候返一返開始之街先，因為道具都用得七七八八，係時候返去整理道具。返去同爺爺獸傾偈，睇下咁耐以嚟，開始之街嘅發展成果係點，Check check 街嘅發展度，爺爺獸會一直同你講返每隻數碼暴龍，返到嚟開始之街做乜工作，喺邊度可以搵到佢，講到佢話街嘅發展度出現為止。如果發展度係15或以上(如以依家嘅進度嚟講)，一出爺爺獸之家，暴龍獸得知你咁好打，會上前挑戰你，暴龍獸實力真係好強，繼火焰獸後，又遇到另一強敵。當然事前準備好一定量回復道具同有定時間訓練，絕對無有怕，打贏佢之後，佢會加，繼續佢鍾意挑戰強者嘅性格，喺開始之街度開設鬥技場。
***鬥技場亦係另一個核心嘅副線小系統，絕對需要細細研究，事關：不同金牌、進化道具、爆機後消磨時間、部份需要重戰嘅數碼暴龍等，都需要用到哩個系統

Check Point 3 – 雨草
睇返日子，喺數碼世界入面，每年嘅15日，喺肉田旁邊會出現雨草，一定一定一定記得去拎。

未完，待續…